«Անօրինական կերպով Ադրբեջանի օկուպացված տարածքներ (նկատի ունի՝ Արցախ) այցելելու համար օտարերկրացի 180 լրագրող գտնվում են Ադրբեջանի համար ոչ ցանկալի անձանց «սև ցուցակում»: Նրանց մեծ մասը լրագրողներ են Ռուսաստանից և Ուկրաինայից»,- «Ինտերֆաքսին» ասել են Ադրբեջանի ԱԳՆ-ից՝ հավելելով, որ ընդհանուր առմամբ «սև ցուցակում» ներառված է 623 անուն:
Գերատեսչությունից նշել են, որ 2016թ. նրանցից շուրջ 20-ը (լրագրողներ Լիտվայից, Ճապոնիայից և Ավստրիայից) պաշտոնապես ներողություն են խնդրել, ուստի նրանց անունները հանվել են այդ ցուցակից: Իսկ առավել շատ Լեռնային Ղարաբաղ այցելում են Ռուսաստանի, Գերմանիայի, Ֆրանսիայի, Իտալիայի և ԱՄՆ-ի ներկայացուցիչները:
Իր հերթին Ադրբեջանի ԱԳՆ պաշտոնական ներկայացուցիչ Հիքմեթ Հաջիևը գործակալությանը հայտնել է, որ իրենք ուսումնասիրում են ինդոնեզական «Տեմպո» պարբերականի լրագրող Ֆամեգա Պուտրիի՝ Լեռնային Ղարաբաղ այցելելու հարցը:
Պուտրին Լեռնային Ղարաբաղում եղել է 2016թ. հոկտեմբերին և հոդված է պատրաստել «Տեմպո» ամսագրի համար:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
