Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանում զանգվածային անկարգություններին մասնակցելու մեջ մեղադրվող Արարատ Խանդոյանի եւ Արման Առաքելյանի գործով նիստին հարցաքննվեց ՀՀ ոստիկանության ներքին զորքերի սպա Ռաֆայել Մնացականյանը` որպես վկա: «Երեկոյան եղավ խուլիգանություն, մենք կանգնած էինք, ժողովուրդը կոշտ իրեր էր նետում, հայհոյանքներ էր լսվում»,-պատմեց վկան:
Նա ասաց, որ նշված օրը Երեւանի Խորենացի փողոցում ոչ Արարատ Խանդոյանին, ոչ էլ Արման Առաքելյանին չի տեսել. «Իմ անձնակազմից վիրավորված 11 անձինք, թե ում կողմից են վիրավորվել, չեմ կարող ասել»:
Դատական նիստն այս վկայի հարցաքննությամբ ավարտվեց, հաջորդը նշանակվեց հունվարի 25-ին:
Հիշեցնենք, որ Արարատ Խանդոյանը եւ Արման Առաքելյանը մեղադրվում են Քրեական օրենսգրքի 225-րդ հոդվածի 2-րդ մասով՝ հասարակական անվտանգությունը վտանգած բռնությամբ, ջարդելով, գույք ոչնչացնելով եւ վնասելով արտահայտված զանգվածային անկարգությունների ընթացքում ոստիկանների նկատմամբ բռնություն գործադրելու համար:
Կարդացեք նաև
Արփինե ՍԻՄՈՆՅԱՆ
