«Բնականաբար, մեր անձնագրերի մեջ կան… Այսինքն՝ անձնագրերը ունեն թվեր, գիտեք, որ մեր իրականության մեջ թվերի նկատմամբ առանձնահատուկ վերաբերմունք կա, օրինակ՝ կա անձնագիր, որի համարն է 001։ Հիմա հարց՝ ո՞վ է ստանալու այդ անձնագիրը։ Մենք որոշում ենք կայացրել, որ դա կլինի վճարովի։ Ով առանձնահատուկ սեր ունի թվերի և թվերի կոմբինացիաների նկատմամբ, ես չգիտեմ՝ աճուրդային կարգ կլինի, թե… Չէ՛, ֆիքսված գնով։ Բայց լավ գնով էլի, լա՜վ գնով»,- այսօր կառավարության նիստում հայտարարեց Նիկոլ Փաշինյանը։
ՆԳ նախարար Արփինե Սարգսյանը ներկայացնում էր կենսաչափական անձնագրերի ներդրման հարցը։
Ըստ Նիկոլ Փաշինյանի՝ «գոլդ» թվերով անձնագրերի վաճառքից գոյացած գումարը համակարգի համար լրացուցիչ ներդրում կլինի, որը տրամաբանական է։
«Ընդհանրապես, մենք պետք է այս տրամաբանությունը այնտեղ, որտեղ հնարավոր է, ներդնենք, որովհետև դա, ի վերջո, եկամտի աղբյուր է։ Այն, ինչի նկատմամբ կա հետաքրքրություն, դա ունի արժեք, այն, ինչ ունի արժեք, դա նշանակում է՝ եկամտի աղբյուր է, հետևաբար պետք է այդ եկամուտը գեներացնել Հայաստանի Հանրապետության կամ Հայաստանի Հանրապետության ենթակառուցվածքների համար»,- ասաց Նիկոլ Փաշինյանը։
Կարդացեք նաև
Նիկոլ Փաշինյանն անդրադարձավ նոր՝ կենսաչափական անձնագրերի ներդրմանը՝ հանրամատչելի բացատրելով կատարվողը։ Սկսեց այսպես. «Վատ լուր ունեմ՝ «պասպորտսեղանները» վերանում են»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
