Ռուս զբոսաշրջիկների համար ամենաէժան ուղղություններից մեկը Երևանն է: Այս մասին գրում է Lenta.ru-ն՝ վկայակոչելով BSI Group տուրօպերատորի փորձագետներին:
Ամենապահանջված ուղղությունը, ըստ փորձագետների, Մինսկն է: Բելառուսի մայրաքաղաք ուղևորությունը մեկ անձի համար արժե 18 500 ռուբլի: Դրա մեջ ներառված է ճանապարհածախսը, երեքաստղանի հյուրանոցը, օդանավակայանից հյուրանոց տեղափոխումը, ինչպես նաև քաղաքում շրջելը:
Երկրորդ ամենաէժան ուղղությունը Երևանն է: Հայաստանի մայրաքաղաք ճամփորդությունն արժե 22 800 ռուբլի:
Եռյակը եզրափակում է Չեխիայի մայրաքաղաք Պրահան: Այստեղ հանգիստը ռուս զբոսաշրջիկներին արժենում է 22 900 ռուբլի:
Չորրորդ տեղում Վրաստանի մայրաքաղաք Թբիլիսին է (23 500 ռուբլի), 5-րդում՝ Հունգարիայի մայրաքաղաք Բուդապեշտը (23 800 ռուբլի):
6-րդ հորիզոնականը բաժին է ընկնել Հռոմին (25 700 ռուբլի), 7-րդում՝ Լոնդոնը (38 500 ռուբլի):
Պատրաստեց՝ Վիկտորյա ԱՆԴՐԵԱՍՅԱՆԸ
