Մայիսի 30-ին Վանաձորի Աղայան 74/1 հասցեում վերելակի անսարքության պատճառով գրանցված դժբախտ պատահարի առիթով Լոռու մարզպետ Արթուր Նալբանդյանն այսօր մարզպետարանի պատասխանատու աշխատակիցների մասնակցությամբ շտապ խորհրդակցություն է հրավիրել:
Մարզի ղեկավարի հանձնարարությամբ շրջաբերական գրությամբ կրկին անգամ խստիվ զգուշացվել է մարզի քաղաքային համայնքների ղեկավարներին՝ հետևողական լինել համայնքների բարձրահարկերում շահագործվող վերելակների շահագործման տեխհսկողությանը: Նրա պահանջով շահագործվող վերելակների կրկնակի տեխհսկողություն կիրականացվի՝ արգելելով անսարքություններ ունեցող և հանրության համար վտանգ ներկայացնող վերելակների հետագա շահագործումը՝ անթույլատրելի համարելով երբևէ նման դեպքերի կրկնությունը:
Լոռու մարզպետարան
