Հանգստյան օրերին Ծաղկաձորում Տարածաշրջանային հետազոտությունների կենտրոնի եւ Կոնրադ Ադենաուեր հիմնադրամի հետ համատեղ եւ ՆԱՏՕ-ի հասարակական դիվանագիտության ծրագրերի ստորաբաժանման աջակցությամբ անցկացված` «ՆԱՏՕ-ն որպես կայունացնող ուժ Հարավային Կովկասում. Ներկայիս մարտահրավերներն ու առաջընթացները տարածաշրջանում» սեմինարի ընթացքում հայ-ռուսական հարաբերություններին, Հայաստանում ռուսական ռազմաբազայի թեմաներին անդրադառնալով` ՀՀ ՊՆ պաշտպանական քաղաքականության վարչության պետի տեղակալ Մհեր Իսրայելյանը չհամաձայնեց գնահատականին, թե ՀԱՊԿ-ի Հակաօդային պաշտպանության միացյալ համակարգը նվազեցնում է Հայաստանի հակաօդային կարողությունները. «Այդ համակարգով կարողությունները ոչ թե նվազում են, այլ ընդլայնվում են, քանի որ մենք անմիջապես կարողանում ենք օգտագործել Ռուսաստանի հարավային տարածաշրջանում տեղակայված հակաօդային պաշտպանության միջոցները: Իսկ ռուսական ռազմաբազայում միայն 4000 զինվորներ չեն, այնտեղ լուրջ ռազմական կարողություններ կան` հրթիռներ, ավիացիա, սակայն համաձայն եմ, որ այն քաղաքական նշանակություն ունի»:
«Առավոտ»
14.06.2017
