Ոստիկանության ՊՊԾ գունդը գրաված «Սասնա ծռեր» զինված խմբի անդամներից 18-ի գործով հերթական դատական նիստի ընդմիջմանը
այսօր միջադեպ տեղի ունեցավ քաղաքացիներից մեկի եւ դատական դեպարտամենտի ղեկավար Կարեն Փոլադյանի միջեւ:
Ակտիվիստ Արմենուհի Մելքոնյանը վերջինիս հայտնեց իր դժգոհությունը, որ դատարանի կարգադրիչները չեն թույլատրել ՀՀ եռագույն դրոշը մտցնել նիստերի դահլիճ: Կարեն Փոլադյանը պարզաբանեց. «Կարգադրիչը իրավունք ունի որոշել, թե որ առարկան կարող է համարվել վտանգավոր»:
Կինը բղավեց. «Եթե Թուրքիայի դրոշով մտնեի գուցե ճի՞շտ համարեիք»:
Կարեն Փոլադյանն էլ այսպես արձագանքեց. «Եթե մտնեք Թուրքիայի դրոշով, համապատասխան գնահատական կտանք, բերեք ձեր Թուրքիայի դրոշը՝ հետո կխոսենք»:
Լուիզա ՍՈՒՔԻԱՍՅԱՆ
“Ակտիվիստ” …
Սա ինչ որ նոր պոստմոդեռնիստական տերմիալոգիա է? 😀