Այսօր Կենտրոն եւ Նորք Մարաշ վարչական շրջանների ընդհանուր իրավասության դատարանում Նորք Մարաշի զինված խմբի գործով դատական նիստին մասնակցում է նաեւ ՊՆ նախկին փոխնախարար Վահան Շիրխանյանը:
Հիշեցնենք, որ այս նիստերը պարբերաբար տապալվում էին, քանի որ դատարանը չէր ապահովում Վահան Շիրխանյանի մասնակցությունը դատական նիստերին, նրա նկատմամբ սանկցիա էր կիրառել, իսկ Շիրխանյանի պաշտպան Հայկ Ալումյանը հրաժարվում էր նիստին մասնակցել՝ առանց իր պաշտպանյալի ներկայության:
Շիրխանյանը դատարան եկավ ձեռնափայտով:
Լրագրողների հետ կարճատեւ զրույցում, թե ինչպե՞ս եք ձեզ զգում, Վահան Շիրխանյանը պատասխանեց՝ ո՞նց պիտի զգամ, կարո՞ղ է լավ լինեմ: Շիրխանյանը ձեռքով արեց՝ հասկացնելով, որ ավելի ուշ կխոսի:
Դատական նիստը դեռ չսկսված՝ 30 րոպեով ընդմիջվեց, քանի որ դատավոր Բեկթաշյանն ասաց՝ ամբաստանյալ Վլադիմիր Առաքելյանը գտնվում է «Արմենիա» ԲԿ-ում, հետազոտման է, հավանաբար ավելի ուշ կբերեն:
Հռիփսիմե ՋԵԲԵՋՅԱՆ
