«Օլիմպիականների համաշխարհային միության (WOA) գործադիր տնօրեն Մայք Միլլերը սպորտում դոպինգի դեմ արդյունավետ պայքարելու համար առաջարկել է մարզիկների մարմնում չիպ տեղադրել, որպեսզի հնարավոր լինի հետեւել հակադոպինգային կանոնների պահպանմանը եւ կրճատել խախտումների քանակը:
«Ոմանք ասում են, թե մարդկանց հետ այդպիսի բան անել չի կարելի: Բայց չէ՞ որ մենք սիրում ենք շներին, սակայն նրանց չիպավորում ենք: Ու կարծես դա նրանց ամենեւին չի վնասում: Ուրեմն ինչո՞ւ նույնը չանենք մեր հետ: Դոպինգի դեմն առնելու համար մենք պետք է համապատասխան տեխնոլոգիաներ մշակենք եւ դրանք ներդնենք մարզիկների մարմնում», – հայտարարել է մարզական պաշտոնյան:
Աշոտ ՀԱԿՈԲՅԱՆ
