Մի շաբաթ առաջ Իջեւանի սահմանամերձ գյուղերից մեկի բնակիչ, պետավտոտեսչության տեսուչ մոտ 40 տարեկան տղամարդը Երեւանում հանդիպել է ամուսնացած ծանոթուհու հետ, վերջինիս տանը:
Սիրային հանդիպմանը խանգարել է կնոջ ամուսինը, որը տուն է եկել: Նա շամպայնի շշով հարվածել է պետավտոտեսուչի գլխին, շշի կտորը մտցրել նրա փորը: Ավտոտեսուչը տեղափոխվել է Երեւանի հիվանդանոցներից մեկի վերակենդանացման բաժանմունք: Երիտասարդ կինը փորձելով անմեղ երեւալ՝ իրավապահներին հայտնել է, որ պետավտոտեսուչը իրեն բռնաբարել է: Դեպքի կապակցությամբ քննություն է կատարվում:
Իրավապահներից ստացված տեղեկություններով`պետավտոտեսուչը ներկայումս գտնվում է ոստիկանության կադրերի տրամադրության տակ:
Ոսկան ՍԱՐԳՍՅԱՆ
