Հնդկաստանում գործող TheNewsMinutе կայքն անդրադարձել է երկրի հարավում գտնվող Չեննաի քաղաքին, որտեղ ընդամենը 6 հայ է ապրում, որից չորսը՝ ընտանիքով:
Ըստ լրատվամիջոցի, տեղի հայերը ցանկանում են վերածնել համայնքը` համախմբվելով հայկական եկեղեցու շուրջ, որի զանգերը նորից են հնչում:
TheNewsMinutе-ը գրում է, որ հայերը ավանդաբար հարուստ առեւտրականներ են եղել եւ արտոնություններ ունեցել Հնդկաստանում, ու այդ ամենի հետքը դեռ պահպանվում է Մադրասում, Կալկաթայում եւ Բոմբեյում, նաեւ հայերի փառահեղ անցյալի մասին են հուշում Չեննայի հայկական եկեղեցին ու հայկական փողոցը:
Չեննայիի վերջին հայը` Մայքլ Ստեֆանը, 2004 թ. տեղափոխվել է Բենգալոր, որտեղ աշխատում է ավագ մենեջեր` օբյեկտների կառավարման գծով: Նա ասում է, որ ի տարբերություն Կալկաթայի, Բենգալորում հայկական եկեղեցի չկա, ուստի ստիպված այցելում էին կաթոլիկ եկեղեցիներ:
Չեննայիի 6 հայերը ցանկանում են վերածնել համայնքը: Այստեղ գտնվող սուրբ Մարիամ Աստվածածին եկեղեցին կառուցվել է 1712-ին, ապա ավերվել ու կրկին վերականգնվել 1772 թ:
Այժմ եկեղեցին կրկին զանգեր ունի, որոնք պատվիրվել են Լոնդոնում, դրանք ամեն կիրակի 9:30 ղողանջում են:
Հոդվածում անդրադարձ կա նաեւ հայ հասարակական գործիչ, տպագրիչ, հայ առաջին պարբերականի՝ «Ազդարարի» հիմնադիր Հարություն Շմավոնյանին եւ հայկական պետության կառավարման համար նախատեսված օրենքների ժողովածու համարվող «Որոգայթ Փառաց» գրքին, որը 1773-ին հրատարակել է Շահամիր Շահամիրյանը: Երկու կարեւոր իրադարձություններն էլ կապվում են Հնդկաստանի Մադրաս քաղաքի հետ: Այդ մասին Մայքլ Սեֆանն է պատմում:
6 հայերից մեկն էլ Չեննաի տեղափոխված Աշխենն է, որը ռուսաց լեզու է դասավանդում, իսկ Մադրասի հայկական եկեղեցին համարում է փոքրիկ Հայաստան: Աշխենին Հնդկաստան է բերել սերը:
Պատրաստեց Գոհար ՀԱԿՈԲՅԱՆԸ
Լուսանկարները` TheNewsMinutе
Գլխավոր լուսանկարում` Լուսանկարում` Աշխենը` ամուսնու հետ:
Չեննայի վերջին հայը` Մայքլ Ստեֆանը, 2004 թ. տեղափոխվել է Բենգալոր
Չեննայի 6 հայերը ցանկանում են վերածնել համայնքը
Հնդկաստանում գործող TheNewsMinut կայքն անդրադարձել է երկրի հարավում գտնվող Չեննա քաղաքին, որտեղ ընդամենը 6 հայկական ընտանիք է ապրում
Հնդկական քաղաքի 6 հայերի համար եկեղեցու զանգեր են հնչում
????????????????????????
Հարգելի Արա, այո վեց հայ է ապրում, որոնցից չորսը ընտանիքով, եւ իրենք համախմբված են եկեղեցու շուրջ: Կարծում եմ, այդտեղ զարմանալի ոչինչ չկա: Մեր հայրենակիցներն էլ հարգարժան քաղաքացիներ են:
Հարգանքով՝ Գոհար Հակոբյան