Ադրբեջանի նախագահ Իլհամ Ալիևը X-ում գրառմամբ նշել է, որ ԱՄՆ նախագահ Դոնալդ Թրամփը «պատմական դեր է խաղացել Ադրբեջանի և Հայաստանի միջև խաղաղության առաջխաղացման գործում»։
«ԱՄՆ նախագահ Դոնալդ Թրամփը պատմական դեր է խաղացել Ադրբեջանի և Հայաստանի միջև խաղաղության հաստատման գործում՝ 2025 թվականի օգոստոսի 8-ին իր հյուրընկալած՝ Վաշինգտոնում կայացած խաղաղության գագաթնաժողովի ընթացքում։
Խաղաղության գործընթացում նրա ունեցած նշանակալի ավանդի ճանաչման նպատակով իմ նախաձեռնությամբ Ադրբեջանն ու Հայաստանը համատեղ առաջադրել են նախագահ Թրամփի թեկնածությունը Խաղաղության Նոբելյան մրցանակի համար։
Մենք անկեղծորեն հույս ունենք, որ մեր տարածաշրջանում տևական խաղաղություն հաստատելու ուղղությամբ նախագահ Թրամփի պատմական ջանքերը պատշաճ ճանաչում կստանան այս տարվա Խաղաղության Նոբելյան մրցանակի շնորհման որոշման մեջ», – նշել է նա։
