ԱԺ-ում «Առեւտրի եւ ծառայությունների մասին» օրենքում փոփոխությունների նախագիծն է քննարկվում, որով առաջարկում են ստրիպտիզ ակումբերի, կարաոկեների, սաունաների եւ որոշ այլ օբյեկտների գործունեությունը սահմանափակել:
Ելույթի համար գրանցվելով՝ «Ելքի» պատգամավոր Արարատ Միրզոյանը մոտեցավ ամբիոնի մոտ եւ կոչ արեց քաղաքացիներին ապրիլի 13-ին Ազատության հրապարակ գալ՝ «Մերժիր Սերժին» ակցիայի համար:
Նա ասաց, որ հրապարակում կվառեն իրենց ազատության ջահը եւ ասելուն պես այրեց ձեռքում եղած գունային ծխարձակիչը: Նրան միացավ նաեւ Լենա Նազարյանը եւ քիչ անց դեղին, կանաչ գունային ծխի մեջ կորցրեցին ԱԺ նախագահության ամբիոնն ու նիստերի դահլիճը:
Դահլիճում ներկա սակավաթիվ պատգամավորները հետեւում էին ծխին, իսկ ԱԺ փոխնախագահ, նիստը վարող Էդուարդ Շարմազանովն ասաց՝ «շոուն չստացվեց»: Նա հորդորեց դահլիճի դռները բացեն, որ կարողանան աշխատել. «Թող հանրությունն իմանա ով ինչով է զբաղվում ԱԺ-ում»:
Գորգիսյանն առաջարկեց ընդմիջում անել, Շարմազանովը չհամաձայնեց. «Դուք, ձեր խմբակցությունը»:
Հռիփսիմե ՋԵԲԵՋՅԱՆ
