Պարզվում է, որ Հայաստանի կալանավայրերում իրենց նպատակին հասնելու համար ինքնավնասում են կատարում ոչ միայն տեղացիները, այլ նաեւ օտարերկրացիները:
Ղրղզստանի իրավապահներին չարտահանձնելու նպատակով, երկու օր առաջ՝ հունիսի 4-ին «Գորիս» ՔԿՀ-ում ինքնավնասում է կատարել Վրաստանի քաղաքացի Կոբա Նարիմանիան: 53-ամյա վրացին, մեր աղբյուրների փոխանցմամբ, մոտ օրերս կտեղափոխվի «Նուբարաշեն» ՔԿՀ: Նա հետախուզման մեջ էր եւ ձերբակալվել է Մեղրիի մաքսակետում։
Կոբա Նարիմանիային մեղադրանք է առաջադրվել Ղրղզստանի քրօրենսգրքի 166 հոդվածի մի քանի մասերի հատկանիշներով: Մասնավորապես, նա մեղադրվում է Ղրղզստանում կողոպուտ իրականացնելու մեջ։
Ի դեպ, նկատենք որ «Գորիս» ՔԿՀ-ում նախկին բարձիթողի վիճակը չի, եւ նոր պետին հաջողվել է նորմալ մթնոլորտ ստեղծել, ինչի շնորհից դժգոհությունները զգալիորեն պակասել են։
Դավիթ ԱՐՄԵՆՅԱՆ
