Սյունիքի նախկին մարզպետ Սուրիկ Խաչատրյանի 2 որդիները զինվորական ծառայությունից ազատվել են` հոգեկան խնդիրներ ունենալու պատճառով: Բժշկական հանձնաժողովը, որը Խաչատրյանի որդիներին այդպիսի «ախտորոշում» էր տվել, մեկ վայրկյան անգամ չէր վարանել` կնքել ու ստորագրել էր, որ նրանք պիտանի չեն ծառայության:
Արամ Դավոյանն ի ծնե ունի մի շարք հիվանդություններ` գլխուղեղի ֆունկցիայի խանգարում, որն արտահայտվում է տկարամտությամբ, գիտակցելու ու հասկանալու ունակության բացակայությամբ, խախտված է խոսակցական ակտը, ի վիճակի չէ որեւէ բան բացատրելու կամ նկարագրելու, ունի գիշերամիզություն, նյարդային համակարգի, տեսողության հետ կապված լուրջ խնդիրներ, ընկնում է նյարդային ցնցումների մեջ, որի ժամանակ քթից արյունահոսում է, սիրտը եւ բրոնխները նույնպես առողջ չեն: Այս բոլոր հիվանդություններով հանդերձ, սակայն, այս տարվա գարնանը հետազոտություններ անցած Արամը բժշկական հանձնաժողովի կողմից ճանաչվել է ծառայության համար պիտանի:
Նյութի մանրամասները կարդացեք «Առավոտ» օրաթերթի այսօրվա համարում:
