Շիրակի մարզպետ Կարեն Սարուխանյանը «Գյումրու «Մոր և մանկան ավստրիական հիվանդանոց» ՓԲԸ-ում մարզպետարանի կողմից իրականացված աուդիտի հաշվետվությունն ուղարկել է Շիրակի մարզի դատախազ Կարեն Գաբրիելյանին։
«Նշվածը ուսումնասիրվել է մարզի դատախազության կողմից, որում առկա են եղել ենթադրյալ տարաբնույթ չարաշահումներ պարունակող տվյալներ։ Դրանք ՀՀ քրեական դատավարության օրենսգրքի ռեժիմով ստուգելու նպատակով նյութեր նախապատրաստելու հանձնարարությամբ ուղարկվել են ՀՀ քննչական կոմիտեի Շիրակի մարզային քննչական վարչություն»,-այս մասին տեղեկացանք Շիրակի մարզի դատախազ Կարեն Գաբրիելյանից։
Թե ինչ ենթադրյալ չարաշահումների մասին է խոսքը, առայժմ չեն մանրամասնում։
Հիշեցնենք, որ «Գյումրու Ավստրիական մոր և մանկան հիվանդանոցը» ղեկավարում է ՀՅԴ-ական Աշոտ Կուրղինյանը, որը Գյումրու՝ 2016 թվականին հոկտեմբերի 2-ին տեղի ունեցած ՏԻՄ ընտրություններում գլխավորում էր ՀՅԴ-ի ցուցակը, նրանց քաղաքապետի թեկնածուն էր, իսկ 2017-ին ՀՅԴ վարկանիշային ցուցակով մասնակցում էր ԱԺ ընտրություններին։
Նունե ԱՐԵՎՇԱՏՅԱՆ
