Եվրոպական մի շարք պարբերականներ 2019 թվականի համար կանխատեսումներ են անում, ըստ տարբեր նշանների: Ուշագրավ է բրիտանական Guardian-ի կանխատեսումը:
Ըստ պարբերականի 9-ով ավարտվող տարիներին գրանցվել են պատմության ընթացքը փոխող զարգացումներ: 1789 թվականին տեղի է ունեցել ֆրանսիական հեղափոխությունը, 1929 թվականին ԱՄՆ-ում գրանցվել է հայտնի «Մեծ ճգնաժամը», 1939 թվականին սկսվել է երկրորդ համաշխարհային պատերազմը, 1979 թվականին Իրանում իսլամական հեղափոխություն է եղել, նույն տարում Միացյալ թագավորությունում իշխանության է եկել Մարգարետ Թետչերը: 1989 թվականին Բեռլինի պատն է քանդվել, սկիզբ դնելով կոմունիստական գաղափարախոսության կրախին: 2009 թվականին ողջ աշխարհը պայքարում էր 1929 ամերիկյան ճգնաժամից ոչ պակաս լուրջ ճգնաժամի դեմ:
Այս թվարկումից հետո պարբերականն արձանագրում է, որ 2019 թվականին աշխարհի խնդիրները շատանալու են:
Պատրաստեց` Նելլի Գրիգորյանը
