Այսօր Երեւանի քաղաքապետ Հայկ Մարությանը լրագրողների հետ զրույցում անդրադարձավ Եկմալյան հասցեի մի խումբ բնակիչների խնդրին: Այսօր այս հասցեի մի խումբ բնակիչներ քաղաքապետարանի շենքի առջեւ բողոքի ցույց էին կազմակերպել՝ քաղաքային իշխանություններից պահանջելով ընդունելություն: Արդեն 12-13 տարի, հանուն գերակա շահի բնակարանները կորցրած եւ դրսում մնացած բնակիչների համար ներդրող է հայտնվել, որը պատրաստակամ է նրանց իրացված բնակարանների տարածքում նոր շենք կառուցել եւ բնակիչներին տեղում բնակարաններ հատկացնել, սակայն քաղաքապետարանը մերժել է՝ պատճառաբանելով, որ այդ տարածքում շենքերը շատ խիտ են, եւ եւս մեկ շենք կառուցելը նպատակահարմար չէ:
Հայկ Մարությանն այս խնդրի մասին ասաց՝ «Ուրիշների սխալները մենք չպետք է անենք Երեւան քաղաքի մնացած բնակիչների հաշվին: «Տետրիսի» պես շենքերի արանքում մի հատ շենք են ուզում կառուցել, որն ուղղակի կպնում է մնացած շենքերին»:
Մարությանը վստահեցրեց՝ այս բնակիչների խնդիրը քաղաքային իշխանության ուշադրության ներքո է:
Նելլի ԲԱԲԱՅԱՆ
Տետրիս են ուզում խաղալ այս մարդուն հե՞տ…
երեւի Սուպեր Մաման շփոթել են Սուպեր Մարիօյի հետ…