Ջերմատներում աճեցված մատղաշ կաղամբներն արդեն հայտնվել են խանութներում, եւ գարնանային այս օրերին, երբ վիտամինների խիստ կարիք կա, թարմ կաղամբի աղցանն իսկականն է:
Անհրաժեշտ մթերքները
Մատղաշ կաղամբ- 1 գլուխ
Կանաչ խնձոր, ցանկալի է «սիմիրենկո» տեսակի- 2 հատ
Կարդացեք նաև
Թարմ կանաչիների (մաղադանոս, սամիթ, համեմ)- կես փունջ
Ընկույզ կամ արեւածաղիկի կամ դդումի մաքրած սերմեր- 2 ճաշի գդալ
Մանանեխ (ցանկալի է՝ դիժոնյան)- 1 ճաշի գդալ
Ձիթապտղի յուղ- 3 ճաշի գդալ
Խնձորի քացախ-2 ճաշի գդալ
Աղ, սեւ եւ կարմիր աղացած պղպեղներ- ըստ ճաշակի
Կիտրոնի հյութ- 2 ճաշի գդալ (կես կիտրոնի)
Պատրաստման եղանակը
Կաղամբը, կանաչիները եւ խնձորները լվանալ: Կաղամբը կտրատել, ավելացնել մանր կտրատած կանաչիները: Փոքր ամանի մեջ լցնել մանանեխը, ձիթայուղն ու քացախը, լավ խառնել, կստացվի մածուցիկ զանգված, լցնել կաղամբի վրա: Ավելացնել համեմունքները եւ ընկույզը կամ սերմերը: Լավ խառնել: Լցնել մատուցարանի մեջ: Խնձորները կեղեւահանել, կտրատել, վրան լցնել կիտրոնի հյութը եւ գեղեցիկ դասավորել աղցանի վրա:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
