ԱՄՆ Ներկայացուցիչների պալատը 2020թ. ֆիսկալ տարվա բյուջեի շրջանակում ընդունել է ամերիկացի կոնգրեսական, հայկական հարցերով հանձնաժողովի համանախագահ Ջեքի Սփիրի առաջարկը՝ Հայաստանին 40 մլն դոլար հատկացնելու վերաբերյալ: Առաջարկն ընդունվել է 268 կողմ, 152 դեմ հարաբերակցությամբ:
Սփիրի այդ առաջարկը աջակցություն է ստացել նաև կոնգրեսականներ Ադամ Շիֆֆի և Ֆրանկ Փալոնի կողմից:
Նախատեսվում է, որ այդ գումարը պետք է ուղղվի Հայաստանի ժողովրդավարության զարգացմանը:
Անցյալ շաբաթ Ներկայացուցիչների պալատում առաջարկի քննարկումների ժամանակ Սփիրը բոցաշունչ ելույթ էր ունեցել Հայաստանի «թավշյա հեղափոխության» մասին՝ նշելով, որ շատ կարևոր է, որպեսզի ԱՄՆ-ը անի «իր ուժերի սահմաններում ամեն բան՝ այս նոր ժողովրդավարությանն աջակցելու համար»:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
