Օգոստոսի 7-ին ողբերգական դեպք է տեղի ունեցել Շիրակի մարզում։ Ժամը 19։30-ի սահմաններում Գյումրիի շտապօգնության կայանից ահազանգ է ստացվել Գյումրի քաղաքի ոստիկանության Մուշի բաժին, որ բժիշկների հերթապահ խումբը կանչով մեկնել է «Չերքեզի ձոր», որտեղ հայտնաբերել են ծառից կախված տղամարդու դի։
Ոստիկաններն ու քննիչները պարզել են, որ նույն օրը ժամը 18։30-ի սահմաններում Գյումրի քաղաքի Վ․ Սարգսյան փողոցի բնակիչ 32-ամյա Սամվել Մեժլումյանը «Չերքեզի ձոր» կոչվող տարածքում ինքնասպանություն է գործել մետաղյա լարով ծառից կախվեու միջոցով։
Գ․ Շամշյանի տեղեկություններով՝ Ս․ Մեժլումյանը ծառայում էր Գյումրիում տեղակայված ՀՀ ՊՆ N զորամասում որպես պայմանագրային զինծառայող։ Նա ենթասպա էր։
Նյութն ամբողջությամբ՝ սկզբնաղբյուր կայքում
Կարդացեք նաև
«Առավոտ». Հիշեցնենք, որ ՊՆ խոսնակը տեղեկացրել էր, թե Գյումրիում տանն է հայտնաբերվել ենթասպա, զորամասերից մեկի նվագախմբի ծառայող Սամվել Գառնիկի Մեժլումյանի կախված դին:
ՀՀ քննչական կոմիտեի տեղեկատվության և հասարակայնության հետ կապերի բաժինն էլ հաղորդում է. «2019թ. օգոստոսի 7-ին՝ ժամը 19:00-ի սահմաններում, Գյումրի քաղաքի Վարդ-բաղ կոչվող թաղամասում, պարանոցի շրջանում պարանով ծառից կախված վիճակում, հայտնաբերվել է ծառայությունից դուրս գտնվող, ՀՀ ՊՆ N զորամասի զինծառայող, ենթասպա Սամվել Գառնիկի Մեժլումյանի դին:
Դեպքի առթիվ ՀՀ ՔԿ ԶՔԳՎ տասներորդ կայազորային քննչական բաժնում նախապատրաստվում են նյութեր:
Ձեռնարկվում են անհրաժեշտ գործողություններ՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ»:
