Մագնեզիումը մեր օրգանիզմի համար կենսական նշանակություն ունեցող հանքանյութ է, որն անհրաժեշտ է բջիջների, հյուսվածքների ու մկանների կանոնավոր աշխատանքի համար։ Այս տարրը մասնակցում է օրգանիզմում կատարվող ավելի քան 300 քիմիական ռեակցիաներին, ներառյալ՝ նյութափոխանակությունը, նուկլեինաթթուների ու սպիտակուցների մշակումը և այլն։ Մագնեզիումը պատասխանատու է նաև սրտի առողջության համար։ Հետազոտություններից մեկի համաձայն՝ մագնեզիումի անբավարարության պատճառով 53%-ով մեծանում է սրտամկանի ինֆարկտի վտանգը։
Օրգանիզմին անհրաժեշտ մագնեզիումի քանակությունը կարելի է ապահովել կանոնակարգված սննդի միջոցով՝ միաժամանակ խուսափելով աղի ու շաքարի չարաշահումից։
Ներկայացվող մթերքները մագնեզիումի հարուստ աղբյուր են, լավ են յուրացվում օրգանիզմի կողմից և օգնում են հոգալ մկանների ամրության, իմունիտետի և սրտի առողջ աշխատանքի մասին։
Կարմիր լոբի
Կարդացեք նաև
Կարմիր լոբին ամենաօգտակար սննդամթերքներից մեկն է, որը նաև մագնեզիումի մեծ պաշար ունի։ Մեկ բաժակ եփած կարմիր լոբին 74,3 մգ մագնեզիում է պարունակում։
Թուզ
Թուզը բջջանյութի և մագնեզիումի հարուստ աղբյուր է։ Բնականից լինելով քաղցրահամ՝ թուզը շատ լավ հագեցնում է քաղցը, բայց չի ազդում արյան ճնշման վրա։ Կես բաժակ չորացրած թուզը մոտ 51 մգ մագնեզիում է պարունակում։
Գետնանուշի կարագ
Ոչ քաղցր և անալի գետնանուշի կարագի 100 գ-ը 154 մգ մագնեզիում է պարունակում։ Էլ ի՞նչ է անհրաժեշտ մկանների ու սիրտանոթային համակարգի առողջ գործունեության համար։ Խոշոր հատիկավոր հացն ու գետնանուշի կարագը առողջ սննդի կարևոր բաղադրամաս են։
Յոգուրտ
Յոգուրտը նույնպես հարուստ է մագնեզիումով (չափաբաժինը՝ 42 մգ) և մագնեզիումի յուրացման համար անհրաժեշտ կալցիումով։ Այս մթերքը հոգում է աղիքների ու սրտի կանոնավոր աշխատանքի համար։
Կարտոֆիլ
Հետազոտությունները ցույց են տվել, որ ԱՄՆ բնակչության 80%-ի սննդակարգում մագնեզիումն անբավարար է։ Այնինչ այս տարրը պարունակվում է անգամ ամենասովորական սննդամթերքներում։ Կեղևով շոգեխաշած կարտոֆիլը 28 մգ մագնեզիում է պարունակում։
Սպանախ
Այս բույսը նվազեցնում է արյան մեջ վատ խոլեսթերինի մակարդակը, որը սրտի հիվանդությունների հիմնական պատճառներից մեկն է։ Կես բաժակ եփած սպանախը 78 մգ մագնեզիում է պարունակում։
Խոշոր հատիկավոր հաց
Շագանակագույն բրինձ
Շագանակագույն բրինձը շատ սննդարար մթերք է, որն օգտակար է մարսողության , սրտի առողջության համար։ 100 գ եփած շագանակագույն բրինձը 43 մգ մագնեզիում է ներառում։
Նուշ
Նուշը բարելավում է սրտի առողջությունը՝ ամրացնելով արյունատար անոթներն ու հագեցնելով արյունը հակաօքսիդանտներով։ Նուշն իջեցնում է զարկերակային ճնշումը և լավացնում արյան շրջանառությունը։ Օրական ընդամենը 5-6 հատիկ նուշը 80 մգ-ով կհարստացնի մագնեզիումի՝ օրգանիզմին անհրաժեշտ չափաբաժինը։
Բանան
Թեև այս միրգն ավելի շատ հայտնի է կալիումի հարուստ պարունակությամբ, այն նաև հարուստ է մագնեզիումով։ Մեկ մեծ բանանը 37 մգ մագնեզիում է պարունակում, ինչը օրական նորմայի 9%-ն է կազմում։
Ավոկադո
Ավոկադոն հակաօքսիդանտների ու սրտի համար օգտակար ճարպերի աղբյուր է․այն օգնում է նվազեցնել արյան մեջ «վատ» խոլեսթերինի մակարդակը (ցածր խտության լիպոպրոտեիններ) և բարձրացնել «լավ» խոլեսթերինի (բարձր խտության լիպոպրոտեինների) մակարդակը։ Օրական խորհուրդ տրվող չափաբաժինը մոտ կես ավոկադոն է, որը կապահովի օրգանիզմը 44 մգ մագնեզիումով։
Պատրաստեց Մարինե ԱԼԵՔՍԱՆՅԱՆԸ
