«Առանցքային անձանցից մեկն այս գործով, անձ, որը կապված է 0038 հրամանի հետ, դուք քրեական գործում չեք գտնի Միքայել Հարությունյանի ցուցմունքը, հարցաքննելու ձեւ չկար, գտնվում էր Մոսկվայում»,- այսօր Երեւանի ընդհանուր իրավասության դատարանում «Ռոբերտ Քոչարյանի եւ մյուսների» գործի քննության ժամանակ հայտարարեց Ռոբերտ Քոչարյանի պաշտպաններից Ռուբեն Սահակյանը:
Այս հայտարարությունը պաշտպանն արեց մեղադրող դատախազ Պետրոս Պետրոսյանի բացարկի միջնորդությանը միանալիս:
Պաշտպանը նկատեց`ՌԴ-ն Հատուկ քննչական ծառայությանը տեղեկացրել է, որ Միքայել Հարությունյանը այդ երկրում է, իրենց քաղաքացին է, սակայն չի հստակեցրել, թե որ թվականից է համարվում ՌԴ քաղաքացի, այն դեպքում, որ 2008-ին նա պաշտպանության նախարար էր։
«Գոյություն ունի փոխադարձ իրավական օգնության մասին կոնվենցիա, որի շրջանակներում նա կարող էր հարցաքննվել։ Եվ նա կարող էր շատ հարցերի պատասխանները տալ, որում այսօր մեղադրվում է Ռոբերտ Քոչարյանը։ Միանգամից կանխորոշելով, որ կարող են վաղը տարածել, թե Ռոբերտ Քոչարյանն իր մեղքը գցում է Հարությունյանի վրա: Ոչ: Ռոբերտ Քոչարյանը միշտ ասել է, որ այն հրամանը, որ ստորագրել է Հարությունյանը, ընդունում է բոլոր դրույթները, չի ժխտում»,- ասաց Ռուբեն Սահակյանը:
Կարդացեք նաև
Մեղադրող դատախազներն այսօր չհասցրեցին դիրքորոշում հայտնել: Նիստը կշարունակվի նոյեմբերի 19-ին։
Նելլի ԳՐԻԳՈՐՅԱՆ
