2020թ.-ի հունվարից ԵՏՄ տեխնիկական կանոնակարգերով՝ երրորդ երկրից ՀՀ ներմուծված 900 ապրանքատեսակների, այդ թվում՝ առաջին անհրաժեշտության, մաքսատուրքերը բարձրանալու են: Այս մասին այսօր «Պոստ սկրիպտում» մամուլի ակումբում լրագրողների հետ հանդիպմանն ասաց «Իմ քայլը» խմբակցության պատգամավոր, ԱԺ տարածաշրջանային եւ եվրասիական ինտեգրման հարցերի հանձնաժողովի փոխնախագահ Արմեն Փամբուխչյանը:
https://www.facebook.com/aravot.am/videos/854784364936242/
«Առաջին հայացքից թվում է, թե մեր քաղաքացիները թանկ են վճարելու այդ բոլոր ապրանքների համար, բայց նշեմ, որ առաջին անհրաժեշտության ապրանքներից, օրինակ, թռչնի միսը, մենք արտադրում ենք, եւ մեր երկրի արտադրանքն ավելի մրցունակ է, քան ներկրվողը»,-վստահեցրեց պատգամավորը:
Նա նշեց, որ ՀՀ քաղաքացիները խնդիր չեն ունենա, քանի որ կառավարությունն 90 տոկոսով լուծումները գտել է. «Խթանելու է տեղական արտադրանքը, եւ այն ավել գումարը, որը պետք է ստանանք ԵՏՄ տնտեսական կաթսայից, կուղղվի որոշ ապրանքատեսակների արտադրությանն ու սոցիալական ծրագրերին»:
Կարդացեք նաև
Լուիզա ՍՈՒՔԻԱՍՅԱՆ
