Լրահոս
Օրվա լրահոսը

«Ոստիկանությունն ուղղակիորեն ենթարկվել է նախագահ Ռոբերտ Քոչարյանին». Սեդա Սաֆարյան

Փետրվար 25,2020 16:02

«Տուժողները տուժել են սահմանադրական կարգի տապալմանն ուղղված գործողությունների արդյունքում: Մասնավորապես, իմ պաշտպանյալը տուժել է «Չերյոմուխայի» կիրառման հետեւանքով, նրա կյանքը հազիվ է փրկվել»,-Մարտի 1-ի գործի շրջանակում ՀՀ սահմանադրական կարգի տապալման համար մեղադրվողներ՝ ՀՀ երկրորդ նախագահ Ռոբերտ Քոչարյանի, 2008թ.-ի մարտյան իրադարձությունների ժամանակ ՀՀ ԶՈՒ ԳՇ պետ Սեյրան Օհանյանի, նույն ժամանակ Երեւանի կայազորի նախկին պետ Յուրի Խաչատուրովի, եւ սահմանադրական կարգի տապալմանն օժանդակելու համար մեղադրվող ՀՀ նախկին փոխվարչապետ Արմեն Գեւորգյանի պաշտպանների՝ նշյալ անձանց հանդեպ քրեական հետապնդումը հանցակազմի բացակայության հիմքով դադարեցնելու մասին միջնորդության քննության ժամանակ այսօր հայտարարեց Մարտի մեկի գործով տուժողների իրավահաջորդների ներկայացուցիչ, փաստաբան, Մարտի մեկի գործով նախկին փաստահավաք խմբի անդամ Սեդա Սաֆարյանը:

«Շատերն են «Չերյոմուխայից» տուժել, իսկ դա կիրառել է հատուկ նշանակության ջոկատը, որը ենթարկվում է ոստիկանությանը, իսկ ոստիկանությունն ուղղակիորեն ենթարկվել է ՀՀ երկրորդ նախագահ Ռոբերտ Քոչարյանին: Դա այն ուժային կառույցներից էր, որը 2008թ.-ի փետրվարի 29-ին դրել է այդ օրվա սկիզբը: «Չերյոմուխա» կիրառողներին առաջինը փաստահավաք խմբում են հարցաքննել»,-հավելեց նա:

 

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Փետրվար 2020
Երկ Երե Չոր Հնգ Ուրբ Շաբ Կիր
« Հուն   Մար »
 12
3456789
10111213141516
17181920212223
242526272829