Այսօր ԱԺ հայտարարությունների ժամին «Իմ քայլը» խմբակցության պատգամավոր Արմեն Փամբուխչյանը կանխիկով եւ անկանխիկ հայրենասերների մասին խոսեց. «Կանխիկով հայրենասերը կանխիկ գումարի դիմաց այն ծառայություն մատուցողն է, ով նախկինում տարիներ շարունակ դրսեւորել է իր լոյալությունը երկրում տիրող անարդարացիությանը, ապօրինություններին ու մյուս բոլոր երեւույթներին, իսկ հիմա հայրենասիրական մունդիրը հագին կեղծիքներ է տարածում այսօրվա իշխանությունների հասցեին, մեղադրում չգործած արարքների մեջ կամ ուղղակի վատաբանում:
Իսկ ահա անկանխիկ հայրենասերը, ով ֆինանսավորում է վերոգրյալ խավին, անմիջական կապ է ունեցել ապօրինությունների, անարդարացիության ձեւավորման հետ եւ այսօր իր կուտակած հարստությունը պահելու համար մի մունդիր էլ ինքն է հագել եւ մեկնել «առաջնագիծ»: Այս երկու կատեգորիաների մարդիկ ունեն մեկ ընդհանրություն՝ գումարի դիմաց կանգ չառնել՝ պետությանը, հայրենիքին վնասելու մտադրությունից, քանի որ իրենք ոչ մի կապ չունեն թե՛ հայրենասիրության, թե՛ պետական մտածողության հետ»:
Ըստ Փամբուխչյանի, որքան շուտ օրինական պատասխանատվության ենթարկվեն անկանխիկները, այդքան շուտ դաշտից կվերանան «կանխիկները» եւ հայրենիքին իրապես նվիրված անձինք կմնան:
Կարդացեք նաև
Հռիփսիմե ՋԵԲԵՋՅԱՆ
