«COP17 է կազմակերպվում Երեւանում, դուք խցանման խնդիրն ավելի եք խորացրել։ Դպրոց եք փակում հոկտեմբեր ամսվա մեջ երկու շաբաթով, որ COP17-ը կարողանաք կազմակերպել Երեւանում։ Դա ուղիղ նշանակում է, որ դուք գիտակցել եք, որ ինքը թրաֆիք առաջացնող մեծ խնդիր է։ Դպրոցը փակելով՝ միեւնույն է, չի լուծվելու այդ հարցը։ Ավելի հեշտ կլիներ, եթե այդ COP17-ը կազմակերպվեր Երեւանից դուրս»,- Երեւանի ավագանու նիստում «Երեւանտրանս» ՓԲԸ լուծարման նախագծի եւ Երեւանի երթեւեկության խնդիրների քննարկման ժամանակ իր ելույթում ասաց «Ազգային առաջընթաց» խմբակցության ղեկավար Հայկ Գրիգորյանը։
Արձագանքեց Երեւանի փոխքաղաքապետ Արմեն Փամբուխչյանը․ «Թե COP17-ը որտեղ անցկացվի, որտեղ չանցկացվի, ես կարծում եմ, որ շատ լավ է, որ Երեւանում անցկացվի։ Եվ Երեւանն ու կառավարությունն այդ համապատասխան ենթակառուցվածքները ստեղծում են։ Այնպես որ, անհոգ եղեք։ Դպրոցների մասով էլ, մեծ միջոցառում է COP17-ը, եւ դրա փոխարեն երեխաները շաբաթ օրերն են գնալու մի քանի օր։ Կարծում ենք՝ որեւէ խնդիր չկա»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
