Թուրինի Tuttosport թերթը տեղեկացնում է, որ այս մրցաշրջանի ավարտից հետո «Ռոմայի» ավագ Էդին Ջեկոն կարող է տեղափոխվել Թուրինի «Յուվենտուս»:
Հռոմեացիները ֆինանսական խնդիրներ ունեն, իսկ կորոնավիրուսի համավարակի եւ դրա տնտեսական հետեւանքների պատճառով ներկայիս սեփականատեր Ջեյմս Պալոտտեին չհաջողվեց ակումբը վաճառել The Friedkin Group կորպորացիային, որը պատրաստ էր փակել «Ռոմայի» պարտքերը:
Ստեղծված իրավիճակում «Ռոման» պատրաստ կլինի քննարկել 34-ամյա բոսնիացուն «Յուվենտուսին» վաճառելու տարբերակը: Առավել եւս, որ Ջեկոյի խաղաոճը դուր է գալիս Մաուրիցիո Սաարիին, որը կարծում է, թե նա «ծեր սինյորայում» հեշտությամբ կկարողանա համագործակցել Կրիշտիանու Ռոնալդուի եւ Պաուլո Դիբալայի հետ:
Էդին Ջեկոյի տրանսֆերի արժեքը կարող է կազմել 14 միլիոն եվրո:
Կարդացեք նաև
Աշոտ ՀԱԿՈԲՅԱՆ
