Բեյրութը, որը ժամանակին հայտնի էր որպես արևելքի Փարիզ, կրկին նման է պատերազմական գոտիի, որը տուժել է ավերիչ պայթյունի հետևանքով: Այն իր ուժգնությամբ բնութագրվում է որպես մոտ միջուկայինի:
Ավերված թաղամասերում սկսվել են մաքրման աշխատանքներ իրականացվել: Դա ավելի դյուրին է դարձնում անհայտ կորածներին փնտրելու գործը: Մինչ այս պահը զոհերի թիվն անցել է 130-ը, վիրավորներինը ՝ ավելի քան 5000-ը:
Մի շարք հոսպիտալներ ևս վնասվել են պայթյունի արդյունքում, որոնց թվում է Սուրբ Ջորջի համալսարանական հիվանդանոցը: Այն քաղաքի ամենամեծ հիվանդանոցներից է: Առանց ժամանակ կորցնելու՝ հիվանդանոցներն արդեն դիմում են օգնության կոչով:
Կարծիք կա, որ պայթյունը հնչել է պահեստներում ամոնիումի նիտրատի մեծ քանակության ոչ պատշաճ պայմաններում պահպանելու արդյունքում՝ չնայած բազմաթիվ նախազգուշացումներին: Այսօր ակտիվիստները կոչ են անում անկախ հետաքննություն իրականացնել:
Կարդացեք նաև
Մի քանի ամիս շարունակվող հակակառավարական ցույցերից հետո ղեկավարության նկատմամբ հանրության վստահությունը զգալիորեն պակասել է: Հինգշաբթի օրը տեղի բնակչությունը դիմավորել է Ֆրանսիայի նախագահին հակակառավարական կոչերով:
Էմանուել Մակրոնը առաջարկեց իր օգնությունը և կոչ արեց Լիբանանի իշխանություններին իրականացնել իրական բարեփոխումներ:
Նյութն ամբողջությամբ՝ սկզբնաղբյուր կայքում
