«ԵԱՀԿ Մինսկի խմբի համանախագահների հայտարարությունը համարում եմ կառուցողական: Բանակցային գործընթացը վերականգնելու, շարունակելու մեր պատկերացումներին այն համապատասխանում է»,-կառավարություն-ազգային ժողով հարցուպատասխանի ժամանակ այսօր անդրադառնալով ԵԱՀԿ ՄԽ համանախագահների վերջին հայտարարությանը, որ բանակցությունները պետք է վերսկսվեն առանց նախապայմանների, ասաց ՀՀ վարչապետ Նիկոլ Փաշինյանը:
«Բանակցային գործընթացի մեր սկզբունքները չենք համարում նախապայման: Բանակցությունը հարցերի լուծման նպատակ ունի: Իմ ընկալմամբ՝ նախապայման ունի Ադրբեջանը, որն ասում է, թե Արցախը պետք է լինի բացառապես իր մասը»,-շեշտեց նա:
Վարչապետը նաեւ տեղեկացրեց՝ Տավուշի սահմանին հուլիսյան էսկալացիայից հետո հետեւյալ տրամաբանությունը փոխվեց. «Մենք ասում էինք, որ ՀՀ-ի եւ Արցախի հետ ուժի լեզվով խոսել չի կարելի, իսկ Ադրբեջանն ասում էր, որ մի քանի ժամում ուժով Արցախի հարցը կլուծի: Պարզվեց՝ Ադրբեջանը սխալ էր, մենք՝ ճիշտ»:
Կարդացեք նաև
Լուիզա ՍՈՒՔԻԱՍՅԱՆ
