Լրահոս
Օրվա լրահոսը

«Stop Erdogan, Stop Aliyev». Կիպրոսի հայ համայնքը զորակցում է Հայաստանին ու Արցախին

Հոկտեմբեր 01,2020 23:13

Կիպրոսի մայրաքաղաք Նիկոսիայում սեպտեմբերի 30-ին հայ համայնքի նախաձեռնությամբ տեղի ունեցավ երթ՝ ի աջակցություն Հայաստանի եւ Արցախի: Երթը սկսվել է Կիպրոսում իրար մոտ տեղակայված՝ Ռուսաստանի եւ ԱՄՆ-ի դեսպանատների դիմացից եւ շարունակվել դեպի Ֆրանսիայի դեսպանատուն:

Հայերը, ռուսները, կիպրաբնակ հույներն «Artsakh is Armenia», «Artsakh Strong»,  «Stop Erdogan, Stop Aliyev» գրություններով պաստառներով համախմբվել են՝ անհամաձայնություն հայտնելու Կովկասում Ադրբեջանի եւ Թուրքիայի գործողությունների առնչությամբ: Կիպրոսի խորհրդարանի հայ պատգամավոր Վարդգես Մաղդեսյանը հայտարարել է. «Հաջորդ անգամ կհավաքվենք՝ տոնելու հաղթանակը: Որեւէ մեկն իրավունք չունի Արցախի եւ Հայաստանի հանդեպ ոտնձգություն իրականացնելու»:

Պատգամավորը Կիպրոսում Ֆրանսիայի, Ռուսաստանի եւ ԱՄՆ-ի դեսպանատների ներկայացուցիչներին փոխանցել է բողոք-նամակ՝ Ադրբեջանի եւ Թուրքիայի ագրեսիան դադարեցնելու պահանջով. «Մենք երախտապարտ ենք Կիպրոսին եւ Հունաստանին՝ զորակցության համար, եւ հուսով եմ՝ նրանց օրինակին կհետեւն նաեւ այլ պետություններ»:

Կիպրոսի բնակչության մոտ 2%-ը հայեր են: Հունարենի եւ թուրքերենի հետ միասին հայերենը Կիպրոսում պետական լեզու է: Կիպրոսի տարածքի 38%-ն օկուպացրել է Թուրքիան, որն այդ երկրի վրա հարձակվել է 1974թ-ին, ինչի հետեւանքով մոտ 300 000 հույներ սեփական երկրում դարձել են փախստական: Կիպրոսի խնդիրը լուծված չէ մինչեւ այսօր:

Հեղինակ՝ Անժելիկա Ազադյանց, Կիպրոս, Նիկոսիա

Լուսանկարները՝ SigmaLive-ի,  Cyprus Mail  Philenews

Տեսանյութը՝  SigmaLive-ի  

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2020
Երկ Երե Չոր Հնգ Ուրբ Շաբ Կիր
« Սեպ   Նոյ »
 1234
567891011
12131415161718
19202122232425
262728293031