ԱՄՆ նախագահի դեմոկրատական թեկնածու Ջո Բայդենի նախընտրական շտաբից հայտնել են նախագահական ընտրություններում հաղթելու մասին։ Շտաբի ներկայացուցիչ Ջեն Դիլոնը վստահություն է հայտնել, որ հենց Դեմոկրատական կուսակցության թեկնածուն է դառնալու ԱՄՆ նախագահ։
«Ամենակարևորն այն է, որ Ջո Բայդենը առաջ է շարժվում դեպի հաղթանակ և կդառնա Միացյալ Նահանգների հաջորդ նախագահը»,- ասել է նա։
Նրա խոսքով՝ Բայդենը հաղթելու է Միչիգանում և Փենսիլվանիայում։ Բայդենի նախընտրական շտաբում չեն բացառել, որ Դոնալդ Թրամփը կարող է ձայների վերահաշվարկ պահանջել Վիսկոնսինի նահանգում։
Նշենք, որ այս պահին, ըստ նախնական հաշվարկների, Ջո Բայդենը հավաքել է ընտրողների ձայների 50.15 տոկոսը, իսկ Դոնալդ Թրամփը՝ 48.24։
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
