Ազատության հրապարակից 17 կուսակցությունների հանրահավաքի ժամանակ այսօր բերման ենթարկվածների թվում էր նաեւ իրավապաշտպան, Հայաստանի Հելսինկյան կոմիտեի նախագահ Ավետիք Իշխանյանը: Նա արդեն բաց է թողնվել ոստիկանության բաժանմունքից:
Aravot.am-ի հետ զրույցում Իշխանյանը նշեց. «Առանց հիմնավորման, ձեռքերս ոլորեցին եւ տարան Քանաքեռ-Զեյթունի ոստիկանություն, մոտ ժամ ու կես հետո բաց թողին: Ոչ մի բան չեն ասել այդ ընթացքում… Ոստիկանները հրահանգ են կատարում, եւ ես կարծում եմ՝ դժգոհությամբ են կատարում այն: Տպավորությունս այնպիսին է, որ ստիպված են հրահանգը կատարում, որովհետեւ իրենք էլ են գիտակցում, որ երկիր են կորցրել»:
Լուիզա ՍՈՒՔԻԱՍՅԱՆ
