ԱԺ-ի դիմաց հատուկ միջոց է բաց թողնվել բակում հավաքված քաղաքացիների ուղղությամբ. ծուխ է տարածվել: Սպասվում էր ԱԺ արտահերթ նիստ, որը չկայացավ՝ «Իմ քայլի» պատգամավորների չներկայանալու պատճառով: ԱԺ-ի բակում վահանավոր ոստիկաններ են: Ըստ չճշտված տեղեկությունների՝ տուժած քաղաքացի կա: Լրագրողների հետ զրույցում ոստիկանության ներկայացուցիչ Գ. Այվազյանը հայտարարեց, որ իրենք չեն հատուկ միջոց կիրառել, այլ մի քաղաքացի է այն շպրտել. «Բռնել ենք արդեն: Քաղաքացին է նետել՝ «дым шашка» կոչված միջոցն է եղել»:
Ապա` Այվազյանը ծիծաղելով ասաց, որ ոստիկանները չէին կարող քաղաքացիների դեմ նման բան կիրառել: «Սա Նիկոլի ոճն է, նա ողջ ընթացքում նման սադրանքներ է անելու: Նա բախումներ է հրահրում»,-հայտարարեց ՀՅԴ ներկայացուցիչ Իշխան Սաղաթելյանը:
Լուիզա ՍՈՒՔԻԱՍՅԱՆ
