«Հանրապետություն» կուսակցությունը ողջունում է ԵՍՀԿ Մինսկի խմբի համանախագահ Ֆրանսիայի և անձամբ Ֆրանսիայի նախագահ Էմանուել Մակրոնի ջանքերը՝ աջակցելու հետպատերազմյան փխրուն խաղաղության պահպանմանը՝ ֆրանսիացի խաղաղապահների մասնակցությամբ, գոհունակությամբ փաստում է, որ հենց Փարիզը դարձավ Արցախի Հանրապետությունը ճանաչած եվրոպական առաջին մայրաքաղաքը` ի թիվս Ֆրանսիայի 21 քաղաքների, և հույս է հայտնում, որ նոյեմբերի 26-ին Ֆրանսիայի Սենատը, ապա նաև Ազգային ժողովը կճանաչեն Արցախի Հանրապետությունը՝ նպաստելով Արցախի հարցի հետագա բանակցություններում հայկական շահերի պաշտպանությանը:
«Հանրապետություն» կուսակցությունը հույս է հայտնում, որ Ռուսաստանի Դաշնությունը ևս կճանաչի Արցախի Հանրապետությունը, ինչպես ակնարկում էր ՌԴ նախագահ Վլադիմիր Պուտինը, ինչպես նաև ԱՄՆ-ը՝ 2021թ.-ի հունվարի 22-ին նորընտիր նախագահի պաշտոնակալությունից հետո:
Նոյեմբերի 10-ի եռակողմ հայտարարությունը սոսկ հրադադարի համաձայնություն է, որտեղ հայկական շահերը ընդհանրապես անտեսված են, և դատելով անցած տասնօրյակի գործընթացներից՝ շարունակում են անտեսվել: «Հանրապետություն» կուսակցությունը գտնում է, որ հարցի վերջնական լուծումը պետք է տրվի ԵԱՀԿ Մինսկի խմբի շրջանակներում՝ բացառելով ձևաչափի որևէ փոփոխություն, առավել ևս Թուրքայի մասնակցությունը:
«ՀԱՆՐԱՊԵՏՈՒԹՅՈՒՆ» ԿՈՒՍԱԿՑՈՒԹՅՈՒՆ
Պատեհ-անպատեհ մենք մերժում ենք Թուրքիայի մասնակցությանը Մինսկի խմբի համանախագահությանը:Իսկ ,գուցե ավելի ճիշտ կլիներ համաձայնվել՝պայմանով,որ նա անկողմնակալ կլիներ,ինչպես Ադրբեջանը պահանջում էր համանախագահ մյուս երկրներից,հատկապես Ռուսաստանից:Եթե Թուրքիայի համանախագահը նստեր մյուսների կողքին ինչ? կփոխվեր:Չէ որ մյուս համանախագահներն էլ 25 տարում ոչինչ չեին փոխել….,նրանք միշտ նշում էին,որ համաձայն կլինեն ցանկացած փոխհամաձայնության և կերաշխավորեին դրա իրագործումը…:Ճկուն չենք….:1000 տարի թուրքերի հետ ապրել ենք,նրանցից ոչինչ չենք սովորել դիվանագիտության ասպարեզում: