Մոսկվայի Նիկուլինյան դատարանը 7 հայաստանցիների դատապարտել է 2 տարվա ազատազրկման 2020թ. հուլիսին Մոսկվայում ադրբեջանական ռեստորանի վրա հարձակման համար: Այս մասին հայտնում է ՏԱՍՍ-ը:
Արտակ և Սեյրան Նիկոյաններին, Արմեն և Արսեն Ափրիյաններին, Արգիշտի և Նարեկ Պետրոսյաններին և Ռազմիկ Սահակյանին դատարանը մեղավոր է ճանաչել Ռուսաստանի ՔՕ 213-րդ հոդվածի 2-րդ մասով (որպես զենք օգտագործվող առարկաների կիրառմամբ խուլիգանություն՝ մի խումբ անձանց կողմից) և դատապարտել երկու տարվա ազատազրկման:
Դեպքը տեղի էր ունեցել 2020թ. հուլիսին: Ռեստորանի տեսախցիկները գրանցել էին, թե ինչպես են տարածք ներխուժում մի խումբ տղամարդիկ և փայտերով սկսում են ջարդել կահույքը և սպասքը, ինչպես նաև հարձակվում սրահում գտնվող տղամարդու վրա, որին հաջողվում է փախուստի դիմել: Դեպքից հետո հարձակման մասնակիցները ձերբակալվել էին:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
