«Կուզեի անպայման հստակ արձանագրենք` սրանք փոփոխություններ են, որոնք ՀՀ-ում տարիներ, տասնամյակներ շարունակ ընդդիմադիր ուժերը, ժողովրդավարության համար պայքարող կազմակերպությունները, անհատները պահանջել են»,-ԱԺ արտահերթ նիստում այսօր հայտարարեց խորհրդարանի նախագահ Արարատ Միրզոյանը։
Հիշեցնենք, որ «ՀՀ ընտրական օրենսգիրք» սահմանադրական օրենքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթն այսօր առաջին ընթերցմամբ ընդունվեց ԱԺ արտահերթ նիստում։ «Խոսքն այդ թվում կուսակցությունների համար ընտրական շեմի իջեցման, ընտրարշավի ֆինանսական կառավարման մեխանիզմների թափանցիկության բարձրացման եւ այլնի մասին է»,-նշեց Արարատ Միրզոյանը։ Նա հույս հայտնեց, որ այս օրենսդրական փաթեթն արժանիորեն կգնահատվի։
Լուիզա ՍՈՒՔԻԱՍՅԱՆ
