Մի խումբ քաղաքացիներ հավաքվել են կառավարության շենքի դիմաց։
Հիշեցնենք՝ պաշտպանության նախարարությունը հաստատել էր ավելի վաղ տարածված հայ և ադրբեջանցի զինվորների մասնակցությամբ տեսանյութի իսկությունը։
Իսկ Սուրբ Աթոռում ՀՀ նախկին դեսպան Միքայել Մինասյանը հրապարակել էր նոր փաստաթղթից մի հատված, ըստ որի՝ վարչապետի պաշտոնակատար Նիկոլ Փաշինյանը Ադրբեջանի նախագահ Իլհամ Ալիևին երեք նախապայման է առաջադրել. մինչև խորհրդարանական ընտրությունները դուրս բերել ադրբեջանական զորքերը Հայաստանից և մի քանի գերի վերադարձնել, իսկ Հայաստանի 6 գյուղերի հանձնման մասին ձևակերպումները հնարավորինս անորոշ դարձնել՝ իր հեշտ վերընտրվելն ապահովելու համար։
«Վելես» իրավապաշտպան կազմակերպության ղեկավար Մարինա Պողոսյանը լրագրողների հետ զրույցում ասաց, որ բոլորը պետք է լինեն զինվորների կողքին. «Ոչ մեկս չի եկել կուսակցական շահի համար։ Կոչ եմ անում հայ ազգին բոյկոտել բոլոր կուսակցություններին, կանգնել զինվորների կողքին։ Մենք Ալիևին տալու բան չունենք»։
Կարդացեք նաև
Նա նշեց, որ այսօր՝ կառավարության դիմաց, որոշելու են իրենց հաջորդ քայլերը. «Պետք լինի մենք կանանց աշխարհազոր էլ կստեղծենք ու կգնանք կկանգնենք կանանցով, մայրերով։ Եթե տղամարդիկ չգան, մենք կանանցով կգնանք, բայց ես վստահ եմ, որ տղամարդիկ էլ մեզ կմիանան, մենք Վարդենիս էլ կգնանք, Սյունիք էլ կգնանք։ Մենք այսպես կանգնելու ենք թուրքի դիմաց»։
Ամի ՉԻՉԱԿՅԱՆ
