Վերաքննիչ քրեական դատարանում այսօր քննվում էր դատախազության բողոքն ընդդեմ ՀՀ 2-րդ նախագահ Ռոբերտ Քոչարյանի եւ մյուսների գործի կարճման։
Մինչ բողոքների քննությանն անցնելը փաստաբան Միհրան Պողոսյանի դիմումը քննվեց, որով փաստաբանը խնդրեց վերացնել Զինված ուժերի գլխավոր շտաբի նախկին պետ Յուրի Խաչատուրովի՝ ՀՀ սահմանը հատելու արգելքը։
Փաստաբանն ասաց, որ Երեւանի ընդհանուր իրավասության դատարանի որոշմամբ Յուրի Խաչատուրովի եւ մյուսների նկատմամբ ՀՀ քրեական օրենսգրքի 300.1-րդ հոդվածով քրեական հետապնդումը դադարեցվել է, հետեւաբար, նրա նկատմամբ ընտրված խափանման միջոցն էլ վերացվել է։ Սակայն, ինչպես փաստաբանն ասաց, Յուրի Խաչատուրովի ազատ տեղաշարժման իրավունքը շարունակում է սահմանափակված մնալ։
Դատարանը, դատավոր Նարինե Հովակիմյանի նախագահությամբ, բավարարեց այս դիմումը։
Կարդացեք նաև
Նելլի ԲԱԲԱՅԱՆ
