Թե ի՞նչը կարող էր պատճառ հանդիսանալ իշխանության համար հնարավոր իսրայելական մասնավոր ընկերությանը Հայաստանում գաղտնալսումներ իրականացնելու պատվեր տալու համար, «Հայրենիք» կուսակցության անդամ Բաբկեն Հարությունյանը «Հայելի» ակումբում պատասխանեց. «Վախերը: Բայց իշխանության վախն այնքան մեծ է, որ իրենք վստահաբար գաղտնալսում են ոչ միայն ընդդիմադիրներին, այլեւ հենց իրենց տարբեր պաշտոնյաների:
Այս ծրագիրն ինչպե՞ս է աշխատում: Այն հեռախոսները, որոնք վարակված են «Pegasus» վիրուսով, իրենք կարող են սեղանին դրված հեռախոսով ձայնագրել, նկարել: Այսինքն, եթե դու քո տանը նստած շփվում ես ընտանիքիդ անդամների հետ, հնարավոր է միացնել հեռախոսի տեսախցիկը, նկարահանել, միկրոֆոնը միացնել՝ ձայնագրել: Սա նորագույն գաղտնալսող ծրագիրն է ու էականորեն տարբերվում է մինչեւ հիմա եղածներից: Եվ այդ ամբողջ տեղեկատվությունը գնում՝ հասնում է իսրայելական ինչ-որ կազմակերպության, հետո միայն այնտեղից հասնում քեզ»:
Աշոտ ՀԱԿՈԲՅԱՆ
