«Մեծ հաշվով՝ ՀՀ դիրքորոշման մեջ այս հարցում ոչինչ չի փոխվել այս տարիների ընթացքում»,-խոսելով հայ-թուրքական հարաբերությունների մասին՝ Ավստրիայի եվրոպական և արտաքին գործերի դաշնային նախարար Ալեքսանդր Շալենբերգի հետ համատեղ մամուլի ասուլիսի ժամանակ հայտարարեց ՀՀ ԱԳ նախարար Արարատ Միրզոյանը:
Նա նշեց. «Ինչպես նախորդ 25- 30 տարիների ընթացքում, այնպես էլ այսօր ՀՀ-ն կարծում է, որ Հայաստանի և Թուրքիայի միջև սահմանները պիտի բացվեն, մեր երկրների միջև պիտի հաստատվեն դիվանագիտական հարաբերություններ առանց որևէ նախապայմանի»:
ՀՀ ԱԳ նախարարի վստահեցմամբ՝ այս նպատակադրումով և ակնկալիքով է Հայաստանը կրկին մտել այս երկխոսության գործընթացի մեջ:
Անդրադառնալով Հայաստան-Թուրքիա կարգավորման գործընթացի հատուկ ներկայացուցիչներ ՀՀ ԱԺ նախագահի տեղակալ Ռուբեն Ռուբինյանի և դեսպան Սերդար Քըլըչի հանդիպմանը, Արարատ Միրզոյանն ասաց. «Առայժմ տեղի է ունեցել մեկ հանդիպում: Առաջին հանդիպումը շատ բովանդակային հարցերի չի կարողացել անդրադառնալ, բայց կան որոշակի դրական ազդակներ, որ գործընթացը կընթանա բարեհաջող: Բայց սա այն հարցերից է, որ ակնհայտորեն միայն մեկ կողմի դիրքորոշումից կախված չէ»:
Կարդացեք նաև
Տաթև ՀԱՐՈՒԹՅՈՒՆՅԱՆ
