Ռուսաստանի մայրաքաղաքում մեկնարկած շախմատի Մոսկվայի տղամարդկանց անհատական առաջնությունում խաղացվել է չորս տուր: 82 մասնակիցների մեջ միայն հաղթանակներ տոնել են հայ միջազգային վարպետ Ռուդիկ Մարգարյանը եւ ՖԻԴԵ-ի վարպետ Ալեքսեյ Գուբայդուլլինը, սակայն առաջատարը լրացուցիչ գործակիցներով մեր հայրենակիցն է:
Վաղը կայանալիք հինգերորդ տուրում առաջատարները խաղալու են միմյանց հետ: Մարգարյանը հանդես է գալու սեւ խաղաքարերով:
Աշոտ ՀԱԿՈԲՅԱՆ
