«Մամիկոն Ասլանյան» կուսակցությունների դաշինքը, հիմք ընդունելով «Տեղական ինքնակառավարման մասին» ՀՀ օրենքի 65-րդ հոդվածը, նախաձեռնել է ավագանու արտահերթ նիստ։ Օրակարգում Վանաձոր համայնքի ավագանու կանոնակարգն ընդունելու մասին որոշման նախագիծն է։
Դաշինքի անդամ Գայանե Քալանթարյանն ասում է, որ առանց կանոնակարգի ավագանին իրավասու չէ գործունեություն ծավալել, այդ իսկ պատճառով հրավիրել են արտահերթ նիստ. «Սա մեր իրավունքներն են, որեւէ խախտում ՏԻՄ օրենքում չենք անում եւ որեւէ հակասահմանադրական եւ հակաօրինական քայլ չկա: Ավագանին ընտրված է, ստացել է մանդատներ, լեգիտիմ ավագանի է եւ օրենքի ուժով մենք հրավիրում ենք ավագանու նիստ»:
Տիկին Քալանթարյանը տեղեկացրեց նաեւ, որ նիստի արդյունքում գուցե նաեւ փոփոխություններ ու առաջարկություններ լինեն՝ կապված կանոնակարգի հետ, որոնք եւ կավելանան կանոնակարգում:
Հիշեցնենք, որ այս պահին Վանաձորը չունի համայնքի ղեկավար, իսկ «Մամիկոն Ասլանյան» կուսակցությունների դաշինքը գլխավորող Մամիկոն Ասլանյանը գտնվում է կալանքի տակ:
Կարդացեք նաև
Տաթեւիկ ՂԱԶԱՐՅԱՆ
Լուսանկարը՝ Գայանե Քալանթարյանի ֆեյսբուքյան էջի
