Լրահոս
Օրվա լրահոսը

«Siemens»-ը կարևորում է Հայ-ռուսական համալսարանի հետ համագործակցությունը

Մայիս 16,2022 21:50

Հայ-ռուսական համալսարանը և Եվրոպայի խոշորագույն արդյունաբերական ու տեխնոլոգիական ընկերություններից «Siemens»-ը ստորագրել են գիտահետազոտական դրամաշնորհի տրամադրման մասին պայմանագիր:

«Այս համագործակցությունը լայն հորիզոններ է բացում մեր համալսարանի առջև` երկրի և համալսարանի մասշտաբով բարձր որակավորում ունեցող կադրերով ապահովելու ուղղությամբ, ինչպես նաև բարձրացնում է ռոբոտաշինության ոլորտում մեր ուսանողների և շրջանավարտների մրցունակությունն աշխատաշուկայում» – նշել է ՀՌՀ-ի Մաթեմատիկայի և մաթեմատիկական մոդելավորման ամբիոնի վարիչ Արման Դարբինյանը` հավելելով, որ Հայ-ռուսական համալսարանը համագործակցում է «Siemens»-ի հետ 2020 թվականից (նախկինում՝ «Mentor Graphics»), և այս ընթացքում «Siemens»-ը բարձր է գնահատել Հայ-ռուսական համալսարանի թիմի բարձր պրոֆեսիոնալիզմը և ընդգծել հետագա համագործակցության կարևորությունը:

Ստորագրված պայմանագրի համաձայն՝ Հայ-ռուսական համալսարանի թիմը լուծելու է էլեկտրոնային համակարգերի նախագծման օպտիմալացման խնդիրներ։ Էլեկտրոնային համակարգերի նախագծումն իր մեջ ներառում է ծրագրային միջոցների ամբողջություն, որոնց նպատակն է հեշտացնել էլեկտրոնային սարքերի նախագծումը և միկրոսխեմաների ստեղծումը:

Նշենք, որ «Siemens»-ը միջազգային տեխնոլոգիական կոնցեռն է, որն աշխատում է ավտոմատացման և թվայնացման ոլորտներում` արդյունաբերական, ՏՀՏ ենթակառուցվածքների և էներգետիկ բաշխման ճյուղերի համար:

 

ՀՌՀ մամուլի ծառայություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2022
Երկ Երե Չոր Հնգ Ուրբ Շաբ Կիր
« Ապր   Հուն »
 1
2345678
9101112131415
16171819202122
23242526272829
3031