ԱԺ նախկին անկախ պատգամավոր Սոֆյա Հովսեփյանի ֆեյսբուքյան գրառումը
Քարոզչամեքենան գործի դրվեց…
Որքան անհասկացող կա գրում է. «Հոգևորականը չպետք է քաղաքականությամբ զբաղվի»:
Լո՞ւրջ…
Կարդացեք նաև
Իսկ հոգևորականը պետք է զենք վերցնի ու պատերազմի մասնակցի՞…
Այսինքն, երբ զոհվում է, ապա ընդունելի է, երբ պայքարում է հայրենիքի ու պետականության պահպանման համար, ընդունելի չէ՞։ Պատերազմին էլ է նույն բանի համար մասնակցում` հայրենիքի ու պետականության։
Գիտե՞ք, որ հայր Մկրտիչը մինչ օրս անհայտ կորած է, գիտե՞ք, որ Նարեկ սարկավագը և ուրիշներ զոհվեցին, գիտե՞ք, Դավիթ սարկավագը, որը հրաշքով փրկվեց արկի պայթյունից ու գիտե՞ք որտեղ է հիմա, չէ՜ չգիտեք, գնացել է Դադիվանք։ Դադիվանքը մի խումբ երիտասարդ հոգևորականներ են պահում` ամեն օր կյանքի ու մահվան հետ կռիվ տալով, գիտե՞ք, որ մինչ էս պահը Դադիվանքը մզկիթի չի վերածվել, դա նույն հոգևորականների ջանքերով է…
Չէ՜, լիքը բան դուք չգիտեք և դժվար էլ իմանաք, դուք գիտեք միայն չմտածված խոսել, ինչ տեքստ տան` հիմարաբար կրկնեք ու չխորանաք, ո՛չ երկրի խնդրի, ո՛չ էության մեջ:
Միքայել սրբազանը մի անգամ ասաց. «Էդ, որ պայքարում են եկեղեցի սարքելու դեմ, հեչ չե՞ք մտածել, որ եկեղեցին կառուցել են երկրի սահմանները ընդգծելու համար և հենց եկեղեցու առկայությամբ է, որ կարողանում ես խոսել քոնը լինելու, քո երկիրն ունենալու, քո սահմանն ունենալու մասին:
Իսկ դա քաղաքական է, թե՞ լավ է …
Չէ՜, չենք մտածել…
Դե խաղաղություն ձեր կարճ մտքին, որ մի օր հասնենք արժանապատիվ խաղաղության:
