ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Արցախյան կողմը ռեպորտաժ էր տարածել, որտեղ մանրամասն ներկայացվել է, թե ինչպես են ադրբեջանցիները դարանակալել ու հարձակում գործել ոստիկանների վրա և միայն դրանից հետո Արցախի ՊԲ–ն գործողությունների է անցել:
Ադրբեջանական կողմը շատ անհարմար իրավիճակում է հայտնվել այդ ռեպորտաժից հետո: Որոշ ադրբեջանցի փորձագետներ նշում են, որ անհասկանալի է, թե ինչու հայերը պետք է նման տեսախցիկներ ունենան, որ մի հատ էլ կարողանան այդ կադրերը նկարահանել: Նրանց պնդմամբ, ռուս խաղաղապահները ոչ միայն պետք է «զինաթափեն բոլորին Լեռնային Ղարաբաղում ապրող բոլոր հայերին, այլև զրկեն նման տեխնիկական հնարավորություններից»:
Այսինքն՝ ադրբեջանցիների պատկերացմամբ՝ պետք է իրենք հայերին սպանեն, մնան անպատիժ և դա որևէ մեկը չկարողանա արձանագրել ու ի լուր աշխարհի ցույց տալ: Ակնհայտ է, որ նվազագույն հնարավորության դեպքում ադրբեջանցիները չեն զլանա արցախահայության դեմ հաշվեհարդար տեսնելուց: Չգիտեմ էլ ինչ պետք է անեն մեր հանդեպ, որ մենք այս պարզ իրողությունը ֆիքսենք ու դրան համապատասխան մեր քայլերը կառուցենք…
Կարդացեք նաև
