Ադրբեջանի ԱԳՆ պաշտոնական ներկայացուցիչ Այհան Հաջիզադեն հայկական կողմին մեղադրել է «սադրանքի նախապատրաստելուց առաջ» թշնամական հռետորաբանությունն ուժեղացնելու մեջ: Նման կերպ նա պատասխանել է Հայաստանի նախագահ Վահագն Խաչատուրյանի՝ իտալական La Repubblica թերթին տված հարցազրույցում Ադրբեջանի հասցեին հնչեցրած քննադատություններին:
«Նման հայտարարությունները, որոնք արհամարհում են միջագային ավելացող ջանքերը Ադրբեջանի և Հայաստանի միջև խաղաղության օրակարգն առաջ տանելու ուղղությամբ, ծառայում են տարածաշրջանում իրավիճակի դիտավորյալ սրմանը»,- ասել է Հաջիզադեն:
Նրա խոսքով՝ «օկուպացիայի տարիներին», նաև հետպատերազմական շրջանում փորձը ցույց է տալիս, որ հայկական կողմը «ռազմական սադրանք իրագործելուց առաջ անցկացնում է այդպիսի ապատեղեկատվական արշավ»՝ նպատակ ունենալով պատասխաատանվությունը գցել ադրբեջանական կողմի վրա:
Հաջիզադեն նշել է, որ տարածաշրջանում խաղաղություն հաստատելու համար Հայաստանը պետք է հրաժարվի «ագրեսիվ հռետորաբանությունից, դադարեցնի թշնամական գործողությունները, Ադրբեջանի տարածքային ամբողջականության նկատմամբ հավակնությունները և նրա ներքին գործերին միջամտելը»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
