«Երկաթգծի Մեղրու հատվածը շահագործում էր Ադրբեջանի երկաթուղին։ Ի պատիվ Կարեն Դեմիրճյանի՝ նա Մեղրիում չկառուցեց ավտոճանապարհը։ Ալիևը մեծ խոստումներ էր տվել։ Ասֆալտապատ ճանապարհը հասել էր մինչև Հայաստանի սահմանը։ Դեմիրճյանը հասկացավ հետևանքները, որ դա ագրեսիվ նպատակներ ուներ»,- «Ա1+»-ի հետ զրույցում ասաց ֆինանսների նախկին նախարար Լևոն Բարխուդարյանը։
Բարխուդարյանը նաև ասաց, թե համաձայն չէ նոյեմբերի 9-ի հայտարարության այն կետի հետ, որ ապաշրջափակումից հետո ճանապարհների վերահսկողությունը պետք է իրականացնեն Ռուսաստանի հատուկ ծառայությունները։ Կարծում է՝ խաղաղության պայմանագիր ստորագրելուց հետո այդ պայմանը պետք է վերանայել։
Անդրադառնալով վարչապետ Նիկոլ Փաշինյանի այն հայտարարությանը, թե «զինատեսակներ կային, որոնց օգտագործման իրավունքն ամբողջությամբ Հայաստանին չի պատկանել», Բարխուդարյանն ասաց, որ դա «Իսկանդերն» է․ «Ռուսաստանում ինչ-որ կոճակ պետք է սեղմել, որ Իսկանդերն այստեղ աշխատի»։
Կարդացեք նաև
Մանրամասները՝ տեսանյութում։
