Ադրբեջանի նախագահ Իլհամ Ալիևը հայտարարել է, որ 2020 թվականին Ադրբեջանի վերահսկողության տակ անցած տարածքներում լայնամասշտաբ վերականգնողական աշխատանքներ են ընթանում։ Ինչպես հաղորդում է TASS գործակալությունը, այս մասին նա ասել է Շուշիում ընթացող Տնտեսական համագործակցության կազմակերպության նախարարների խորհրդի 27-րդ նիստում։
Ալիևը որպես ազգային առաջնահերթություն է որակել «Մեծ վերադարձ» ծրագրի իրականացումը։
Ադրբեջանի նախագահը նաև հայտնել է, որ առաջիկա 3 տարում նախատեսվում է մինչեւ 100 հազար մարդու վերաբնակեցնել օկուպացված տարածքներում: «Այսօրվա դրությամբ արդեն իսկ ապահովվել է փախստականների վերադարձ Լաչին և Ֆիզուլի քաղաքներ, Ագալի, Թալիշ և Զաբուխ գյուղեր»,-հավելել է նա։
