68 պատգամավորով այսօր մեկնարկեց ԱԺ քառօրյան: Օրակարգին «դեմ» քվեարկեց «Պատիվ ունեմ» խմբակցությունը, «Հայաստան» խմբակցությունը ձեռնպահ էր:
ՔՊ պատգամավոր Սիսակ Գաբրիելյանը ներկայացրեց «Տեսալսողական մեդիայի մասին» օրենքում լրացումներ կատարելու նախագիծը, որով առաջարկվում է կարգավորում մտցնել հեռուստաընկերությունների ֆինանսական հոսքերի հետ կապված. «Տարիներ շարունակ գովազդային շուկայի ֆինանսական բաշխումները տեղի են ունեցել մեկ կազմակերպության կողմից: Այդ կազմակերպությունը տվել է ռեյտինգներ եւ միջազգային գովազդատուները հենվել են այդ տվյալների վրա: Նախագծով առաջարկվում է, որ այսուհետ հեռուստաընկերություններն իրենք միանան ու ստեղծեն խորհուրդ, այդ խորհուրդը կընտրի այն կազմակերպությանը, որը չափումներ կիրականացնի, իրենք վերահսկողություն կունենան: Եթե մի հեռուստաընկերություն չի ուզում, որ տվյալ կազմակերպությունը իրենց մասով չափումներ անի, իրենց վերաբերյալ տվյալներ չեն հրապարակի: Չափող կազմակերպությունը այդ տվյալները անվճար պետք է տա ՀՌՀ-ին»:
Սիսակ Գաբրիելյանը համոզված է, որ նախագիծը նաեւ գովազդատուներին է պաշտպանելու, որովհետեւ այն կազմակերպությունները, որոնք տարիներ շարունակ գումար են վճարել իրենց գովազդի համար, հաշվի առնելով, որ մի քանի հեռուստաընկերություններ հրապարակել էին միջազգային աուդիտը, չափիչ տվյալները, ըստ էության չեն համապատասխանել: Գովազդային գումարները շատ անարդարացի են բաշխվել, իսկ հեռուստաընկերությունները շատ լավ հասկանում են, թե կոնկրետ որտեղ են հոսել այդ գումարները:
The regular sitting of the RA National Assembly took place
ՔՊ խմբակցության քարտուղար Արթուր Հովհաննիսյանին հետաքրքրում էր ինչպե՞ս կարող են պատժել այդ ընկերությանը, որը տարիներ շարունակ սխալ տվյալներ է ներկայացրել: Սիսակ Գաբրիելյանը պատասխանեց, որ կարող են դիմել ու թող դատախազությունը պարզի՝ խախտում եղե՞լ է, թե՞ ոչ:
Կարդացեք նաև
Նա նաեւ նշեց, որ «Կոկա կոլա» եւ այլ խոշոր ընկերությունները հենց այդ չափող ընկերության տվյալներով են գովազդներ տրամադրել, իսկ այդ տվյալների համաձայն, 3, առավելագույնը 4 հեռուստաընկերություն է բարձր ռեյտինգ ունեցել. «Տարեկան ստացել են 2-5 մլն դոլար»:
Հռիփսիմե ՋԵԲԵՋՅԱՆ
